اقولِك أي بقلم محمد علي حسن

اقولِك أي

أقولِك قلبي بيحبِك

وعايش عمره يرضيكي

أقولِك إني بهواكي

وعارف إني ف عنيكي

أقولِك حافظي على حبي

وحافظي كمان على روحي

اقولِك كوني هنا جنبي

وداوي ف ألمي وجروحي

أقولِك قلبي كان حيران

وشافِك مرة ف اتثبِّت

أقولِك أيوة انا ولهان

وحبك زرعُه دا اتنبِّت

أقولِك حلمي هو انتي

ديوان الحب كان ليكي

أقولِك انتي دلوقتي

حبيبتي وروحي اهي فيكي

أقولِك حسِّي أشواقي

وبركان الغرام دايب

أقولِك نفسي ألقاكي

قصادي ف حضني وحبايب

أقولِك شبِّي على رجلي

وميلي الخد على كتفي

يا كُل العمر يا كُلي

وجودِك جنبي دا بيشفي

أقولِك ياااه على صبري

يا آخر صبري وآهاتي

بحبِك وانتي يا قمري

وجودي وعشقي وحياتي