إرسم ملامح غربتك بقلم عصام سامي ناجي

إرسم ملامح غربتك

اوعى تصالح الخفافيش 
والأوجاع تكبر وتعيش
أفتح القلب البرئ
قبل ما توه في الطريق 
يشتعل قدام عينيك 
مليون حريق 
**
قول : للزمان إزاي
في المعركة بيسلم الفرسان
قاوم سطوة الأحزان
إدي للجميع عنوان
اتحدى ريا ح 
اليأس والإذعان 
أفتح للأماني الباب 
طلع بكرة م السرداب
**
إرسم  ملامح غربتك
وأوعاك في يوم تنساها 
أنقذ القلب الحزين 
م المتاهه
مين اللي خد 
أرواحنا وداها
لدوامة الأوجاع 
خلى الأمل بياع