د.بهي الدين مرسي يكتب :معلش.. أنا مش ضد الدعاء

 

 

ما يشد انتباهي تضرع البعض في طلب الستر، وطبعا مفهوم أن الستر لفظا ومعنى هو حجب الخطايا والمعاصي والموبقات عن بصائر العباد.

طيب يا عم المؤمن، الحل بسيط وهو ألا تؤتي الموبقات، واستقم.

وما يدهشني أكثر أنك تضررت فقط من علم العباد بكل بلاويك، وأصبح كل همك ألا يراها الناس، وليس زوالها.

في كل الأحوال، ربك شاف بلاويك وعرفها، يعني بتطلب الستر عن العباد بس؟ طب وربك اللي شافها؟

اصلا اتيان المعاصي في الخفاء عقوبته فضح الستر، يعنى غير منطقي ان حضرتك تطلب كسر القانون الرباني المقرر به كشف الستر. اومال يعنى فكرة (تبيض وجوه وتسود وجوه) دي عشان الغرف المغلقة مثلا؟ ده ربنا اشترط في تنفيذ بعض العقوبات الارضية اننا نعزم الناس تتفرج (وليشهد العذاب طائفة من المؤمنين) لا وايه! ولا تاخذكم بهم رحمة. 

طبعا هتقولي أصل كل ابن آدم خطاء وخير الخطـ ...ن مقولناش حاجة أنا كلامي عن مبدأ الإخفاء اللي حضرتك مشغول بيه، ووصل الأمر بالبعض بطلب الستر يوم العرض عليه في ساحة الحساب، وقد أقر الله علانية الحساب. يعنى حضرتك حابب تؤتي الموبقات، وطالب الستر (وليس المحو) عشان محدش يعرف.

ممكن نتأدب مع ربنا؟

 

-----------------------------------------------------

اليوم جاهرت بشهادتي واتممت ارادتي، ولن لن ابوح بمن منحته صوتي، ولكن سأبوح تلميحا: 

* انتخبت من اوفى بعهده في تطهير سيناء. 

* انتخبت من قضى على الالتهاب الكبدي C الذي ظل متوطنا 55 عاما منها 30 عام هي حكم مبارك. 

* انتخبت من منح البنى التحتية اولوية تفوقت على الرفاهية الزائفة (ظل مبارك مثبتا سعر البنزين عند 1.8 جنيه، بينما كان يدعم الفرق بالدين الآجل 8.2 جنيه ليفرحنا بالرفاهية الزائفة). 

* انتخبت من وجه الاقتصاد في مسارة الصحيح. 

* انتخبت من تجرأ وقام بتعويم الجنيه ولو كره المتاجرون. 

* انتخبت من اغدق على التسليح وهو يقظ ومتحسب للمخاطر. 

* انتخبت من بنى العاصمة الادارية بكل هذه الرفاهية لتنعم مصر بالمزيد من العلامات السياحية (على فكرة برج ايفل قوبل بالسخرية والوسم بالعته عندما خرج للنور)