رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
بقالي سنين شعر : د. أحمد جاد
«بقالي سنين أنام واصحى
ولسه الصبح مش بيقوم»
كإن الصبح تاه في الليل
ومن تَعَبُه غرق ف النوم!
سنين رايحة وبتعدي
وانا بين الألم واللوم
سنين بتمر بالأحلام
ويومي لسه نفس اليوم!
بودَّع كل يوم فرحة
وصوتي بالوجع مكتوم
بازق مراكب الأيام
وحالفه عليَّ مش هتعوم!
فبعمل إن انا راضي
وعارف إن انا مظلوم
واقول يمكن،واقول جايز
وعارف إن انا موهوم
***
بحارب غربتي وحدي
فاصبَّر نفسـي بالأحلام؟
لا عارف أشتكي همي
ولا عـارف أرد كـلام
واقول الصبح هيشقشق
وعارف إنها أوهام
***
فامثل إن انا فرحان
وقلبي بالأنين موجوع
وبعمل إن انا شبعان
وانا واقع ومقتول جوع
بسابق للفنا روحي
وسهم الموت مفهش رجوع
***
وعامل نفسـي متماسك
وانا جوايه ألف ضياع
وابان دايس على جرحي
وعايش جوه ألف صراع
سنين العمر بتعدي
وانا عايش على الأوجاع
***
بمد عيوني للفرحة
وانا بين الضياع والشك
ما بين كان ليه وما علشـي
وأحزاني اللي مش بتفُك
وطعم المر في السكر
وأحلامي اللي ماشيه تزُك
والح عليها واتحايل
مفيش مرة قالت لي «أوك»
أصبر نفسـي فتقولي :
هتضحك لك فاكرها؟ أشك!
بقدم نفسـي للفرحة
فتعملي الأماني «بلوك»
***
