رئيس التحرير يكتب : بجد ياريس كفاية مهزلة

 

 

مش قولتلكم ان مرتضي مصمم علي تدمير المنظومة الرياضية واخراجها عن مسارها الرياضي واستباحة الساحة الرياضية وفرض اسلوبه البلطجي علي الساحة الرياضية

نفسنا نعرف بل وكل المصريين يعرفوا انت مين وبتعمل كدا ليه؟

ياريس نحن نعلم جيدا انك متابع جيد وحريص على متابعه السوشيال ميديا والفيديوهات وبرامج التوك شو كلها ولا ننسى مدخلاتك مع عمرو اديب والجسينى وكلامك فى ملفات عديده .... بالذمه كده بينى وبينك الم تتابع او تشاهد او انك سمعت عن مرتضى منصور ولا رجال حضرتك ماعندهمش ضمير او احساس ببلاوى مرتضى وشطحاته وايحائاته الجنسيه وسب الدين والام والاخت ده جتى حضرتك لم تسلم من الاهانه كما لم يسلم رئيس الوزاره ووزير الرياضه من الاهانه هو حضرت مش متابع ملفاته وكلماته كل يوم اللى مزلزله اركان الدوله ده فضيحتنا اصبحت بجلاجل على صفحات الانجليز والامريكان ده غير فرنسا والالمان واسبانيا والبرتغال وسمعتنا غطت على حرب روسيا واوكرانيا والسياحه راحت والسمعه ضاعت

بعد اهانه رئيس لجنه الحكام الانجليزى مارك كلاتنبرغ واتهامه بالمثليه وشكك فى رجولته انا عارف ياريس انك فى الهند ومش فاضى للعب العيال ده بس يعنى وبحلفك بالنبى الغالى لو بنت خرجت بقيديو ورقصت وشلحت حته من الجلبيه بعد يوم بتكون مشرفه فى التخشيبه ويومين كمان بتنام على البورش خمس سنين والنبى ياريس وانا عارف انك الرئيس المؤمن بالله ورسله مش حاكلمك عن اللحمه ولا الفراخ ولا اكل النصاره من الفول والطعيه والبصاره والكشرى انا حاوشوش فى ودنك كلمتين هو مرتضى ماسك اي ذله وعلى مين ؟ ولا هو الراجل الكبير بتاع الدوله والقطه السوده اللى تخوف بيه الكبير والصغير هو ملوش كبير ؟ ...معلش ياريس اعتبرنى هندى ومخى لاسع شويه هو حضرتك عارف ان مرتضى رجل قانون وفوق القانون ولا مفيش قانون وحضرتك اكيد عارف ان مرتضى 

محكوم عليه شهر سجن مع النفاذ ولسه طليق الجسد واللسان ولا راجل فى البلد قادر يجيبه من قفاه ...وحياه النبى الغالى ياريسنا ريحنى وطمنى هى البلد فيها قانون ؟