رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
يس العيوطي يكتب : طبلة ومزمار
طبلة ومزمار...كفاية ياحمار
مصر المحروسة...دى بقت مهووسة
فضحتنا الجالية... أصواتهم العالية
على واشنطن سافروا ...وفوراً بيتنافروا
راكبين أوتوبيس...زى النسانيس
بيحبوا السيسى... أهلاً برئيسى
من بين خمسين... كنا الوحيدين
زفة حسب الله... والرزق على الله
حفلة دراويش... سطل وحشيش
ولاكلمة اتكتبت... ولاصورة انتشرت
باب الشعرية... وعددهم مية
بقى فى أمريكا: من غير مزيكة!!
مش عيب ياجماعة؟... دا الغش فظاعة
واقفين فى الشارع... هوت دوج Hot Dog وكوارع
مش دى انتخابات!!... دى قمة رياسات
حتى السنغال ...قهقهوا بالعال
ياخسارة يامصر... دى فضيحة العصر
بقينا مخاليل... عمال تراحيل
نفقات الرحلة... مش كانت سهلة
أكل وشرب... ولابسين قبقاب
بتلعبوا على مين؟... الناس فاهمين
بقينا نسانيس... زي المحابيس
فوق الأشجار... سكران فى البار
عقله محتار... دي حفلة زار
الزفة فى واشنطون... خليتنا طين
لقوا تاكسيات... بتسوقها بنات
بصوا إليهم... وتفوا عليهم
قفلوا السكة... والدنيا زنقة
شعب المخاليل... تافه وهزيل
بتحبوا بلدكم؟... علموا أولادكم
اقروا التاريخ ...دى ريحتكم فسيخ
أدرسوا أمريكا... وانسوا المزيكة
أما الإخوان... أولاد الشيطان
شتموا النصراني... وقالوا كاني وماني
ومحمد مرسى
سكران بالكرسى/ هربان من الحارس. فاكرينه فارس
شرعية إيه؟... ياحسرة عليه
دكتوراة تزييف
انجليزى تخريف/ كتبها له مين؟ ضحكوا على مين؟
من السجن هرب... ورياسته جرب
عاوز طبلية... وأكله هنية
وحكومة الدين... دى غراب البين
لبسوا الحجاب... فوق ضباب
مافيش فى القرآن... حجاب للنسوان
ده هرش فى هرش... ده وش فى وش
الدين جوانا... والرب علانا
ويلاش تكفير... ياقطيع الحمير
منتوش أربانا... مانتوش أسيادنا
تمثال مختار... صحى الفلاحة
قام لها أبو الهول... صحته على طول
عنوان النهضة... من أول نبضة
بدل الحفلات... إعملوها إعانات
تعليم فى بلادنا... بنين وبنات
ليه الإعلان... نصب زمان
الفراعنة جدود... بلغوا المقصود
أنا ابن الأزهر... زوجتى مسيحية
قال لى القسيس... القرآن ده نفيس
إقراه م المدبح... والرب حا يفرح
غنى لبلدك... خد مصر فى فلكك
دى ست الكل... يامصر يافل
اجروا وراها... خليكو وياها
أقول لكو إيه؟... مش عارف ليه!!
دى أرض سلام... بياضها حمام
بيطير فى الجو... بيغطى السو
والخيل برجاس... زفتها الناس
نازلين تحطيب... والأمر عجيب
دا الريف فرحان... بالنور مليان
بيغنوا معاها... ويموتوا فداها
مصرنا ويانا... حبها جوانا
بنغنى معاها... وتاريخها دواها
دى أم الدنيا... في إيديها الحنة Henna
خلقنا تاريخ... سبق المريخ
من أجل بلادى... هزمنا أعادى
بلد التوحيد... من عهد بعيد
والاهرامات... وكمان موميات
العالم جالنا... بيشوف أحوالنا
خلقنا حضارة... بأعلى منارة
ده النيل ده حوارى... مليان بصوارى
ياست الكل... يامصر يافل
بنفكر فيكى... الله يخليكى
وسد النهضة... مش قد الغضبة
النيل الأبيض... راح يلغى الازرق
وبحيرة تانا... دى بحيرة غلبانة
شوية تطهير... والخير هايصير
دى الميه حياتنا... والخير بايدينا
ونهضة مصر... سلاحها الصبر
طبلة ومزمار؟
كفاية ياحمار.
دى "صوت بلادى"...فنار اسكندرية
جورنال الجالية... عربية وغربية
ومحب غبور... ده رمز عبور
والباقى كحيان... أصله خرفان
أما الأخوان... رمز الشيطان
فين بابا شنودة؟... ده رمز الجودة
ومحمد عبده... سبقه من قبله
أخويين عاليين... وتاريخهم زين
فاكرين سيدى عاكف... قال "طز فى مصر"
الله لايرده... دى جريمة العصر
فتحوا دكاكين... بيبيعوا فيها دين
الرطل بكام- ياعم سلام؟
عاوزين تخفيض! للسود والبيض!!
طبلة ومزمار... كفاية ياحمار!!!
