موجود في صوت العرب بقلم عصام سامي ناجي

أخر بيان يتذاع

مافهوش ألم وخداع

يفتح طريق النور

يخلى الأمل مستور

لابس هدومه وشيك

ويواجه كمان اليأس

والسطوة والمماليك

يمد إيديه للناس

ويحافظ علي الإحساس

أخر بيان يتذاع

يتحدي في الأمواج

يدي لبكرة علاج

علشان يجيلنا سليم

ما يكونشي بنفس مقطوع

ويشيل الألم والجوع

يزرع قلوبنا الطاهرة

ويهتف في كل مظاهرة

ويكمل المشوار

يحمي وطنا الطيب

ويطفي لهيب النار

أخر بيان يتذاع

موجود في

صوت العرب

والحلم اللي إنضرب

أوشك خلاص ع الهرب

أصبح مالوهشي مكان

في التوهه والأحزان

فقولولي بس إزاي

هنداري أنين الناي

وندي الندى عنوان

أخر بيان يتذاع

بموأثرات الصوت

بيدق بابنا أكيد

في كل ساعة الموت

علشان ياخدنا أسرى

لفكرة قديمة وبالية

مالهاش وجود في خيالنا

ولا هيه كمان غالية