فلسفة سقراط بقلم عصام سامي ناجي

السكة قدامنا

للأسف مش خضرة

وأمالنا كلها متصادرة

لا في درويش ولا حضرة

فتعالى هنا وإتمايل

وخلي كل شيء هايل

ولو بكرة حب يشيلك

قول له مش شايل

قلوبنا للأسف ساقطة

ما بين اليأس والإحباط

وبكرة ما بطلشي

علينا عياط

وإحنا بندور علي

الأحلام بملقاط

لا نافعة فلسفة سارتر

ولا نافعة فلسفة سقراط

هدوم الأمل مقطوعة

ومحتاجة كدة لخياط

وجيش التتار بيفكر

يحاصر الفسطاط

قلوبنا البيضا متحاصره

وماليها القلق الشك

وأحسيسنا كمان تايهه

ما بين اللخبطة والعك

علي تخومها

ليالي الحزن بتعربد

ونازلة في حصونها دك

صوت الأنين ارتفع

من يجي كام ساعة

والحزن ماشي في الشوارع

وأماني الوطن متباعة

فذيع البيان الباقي

وعلي صوت الإذاعة