رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
رغم أوجاعي الكبيرة بقلم عصام سامي ناجي
من يجي عشرين سنة
والحلم جوايا إتبنى
فصبحت كاتب...
وصبحت كمان شاعر ...
وعرفت إن الطريق واعر
وإنه مليان بالصعاب
وحاولت أشيل من
سكة الأمل الضباب
علشان يعود
وأفك إيدي م القيود
وأرسل رسايل للقمر
وأمسح الدمع إللي
ياما إنهمر
فوق الخدود
أكتب قصايد
للغلابة الشقاينين
وأوجه الليل الحزين
بالضياء مش بالبرود
أدي للأحلام هوية
وأكشف أشباح الظلام
والخفافيش الغبية
بعد ما خانوا العهود
*
ألغي الكوابيس
الكئيبة المرعبة
أحمي القلوب الطيبة
وأحط عدة أجوبة
وأستنى طرح الأسئلة
وأبطل فتيل القنيلة
كل الآمال متبهدلة
وسط الدروب
والشمس ناوية
علي الغروب
وإحنا لسه بنرتكب
نفس الذنوب
ولافيش مفر
شكل الظلام قدامنا
للأسف إتغر
والجميع عايش أكيد
وسط الزمهرير والحر
*.
ما بين هناك
وبين هنا
أرسم نجوم متلونه
وما اسمحشي للأحباط
وزلزاله الغبي
إنه في يوم يهزنا
وأعيش برحمة ربنا
رغم أوجاعي الكبيرة
أمشي بنفسي في المسيرة
أختصر بعض الكلام
وأبعت لبكرة
ياناس خطاب
وأبعت لبكرة
كمان سلام
وما توهشي دايما
في الزحام
زي إللي تاه .
وأدير حوار مع الحياة
وأمد أطواق النجاة
للقلوب التعبانين
وأملي قلبي بالمحبة
وأملي قلبي بالحنين
