ازاي بقلم د/ وائل فؤاد نجيب

في حب امي

ازاي يعدي علي يومي من غير ما افتكرك

ازاي انسي كل تعبتك ومحبتك

ازاي مشوفكيش في كل واحدة شبهك

ازاي في كل موقف مفتكرش تعليق ليكي او كلمة منك

هو علشان انتي روحتي السماء انا هقدر اقول نسيتك

هو علشان مبقتيش معانا بالجسد هينفع اقول بعدتي عنا بروحك

هو علشان انتي سبتينا لوحدنا هننسي تعبك معانا وسهرك

هو مين فينا يقدر ينسي بدري صحيانك

هو مين فينا يقدر يقول بخلتي علينا بجهدك

هو مين فينا ميفتكرش علي كل واحد منا خيرك

هو مين فينا ميفتكرش علينا قلقك

ولا سهرك وكمان طول انتظارك

لغاية اما تتطمني علي وصولنا بنفسك

هو انا اقدر انسي ليكي كلمتك

هي هجرة يابني ولا انا ضايقتك

يا قلب ابيض ونفس طويل لمحبتك

بشوف ملامحك في كل ست طيبة زيك