أخبار عاجلة

من غير بدايات بقلم محمد علي حسن

من غير بدايات بقلم محمد علي حسن
من غير بدايات بقلم محمد علي حسن
 
 
من غير بدايات
و نايات و آهات
القلب الطيب بقى مجروح
موجوع من ناس
ما فيهاش إحساس
طمعانه ف حزنه وطيب الروح
مش عارف يكتب عن روحه
مش عارف يرسم في الضحكه
مش عارف يملك غير بوحه
وشوية حلم معاه فَكه
واضح من حزنك على وشك
إن اللي الحب معاه حافظك
متداري ف حضنك م الدنيا
و ف حضنه لقيت وياه حظك
محروم م البسمة عشان مالك
وآهو مالك برضه ما يحلالك 
قَدِّمت السبت لقيت حالَك
بقى حالِك جدا من وِزرَك
مين وَزَّك تتعذِّب تاني؟
مين عَزَّك مين خلاك جاني؟
مين حافظ ع الوِّد وصانك؟
مين زاد الجرح ما قواني؟