رئيس التحرير يكتب : من التراب وإلى التراب يعود .. تحويل جثث الموتى إلى سماد عضوى
رئيس التحرير يكتب : لماذا تصر الحكومة على استمرار شريف أبو النجا رئيسا لمستشفى 57357 رغم الشواهد العديدة على فساده
اقرأ في العدد الجديد ( عدد يناير ٢٠٢٣ ) من جريدة صوت بلادي
بتصحى تملي من بدري بقلم الشاعرة سارة عبد الرحمن
بتصحى تملي من بدري
وبتصّبح على الخِلان
ياريتك لو ف يوم تِدرِي
نفوسهم عمرها ماتبان!
أنا خايف عليك ل تخاف
برائتك لا تجوز ليهم
مسايسينك يومين و لطاف
و طاقة الغدر ف عنيهم!
مصالح باينة مشتركة
وهمّا ف بعض حرامية
ياريتك فاهم الحركة
مادام الضربة يوم جاية!
هتدارى لصالح مين
ياعم و هما ناوينها
أعادي بس متفقين
يدوسوا الخلق من عينها!
ياصاحبي المشي جنب الحيط
لا بقى يشفع ده بس يضر
نفوس سودا بَنِت لك بيت
عداوة أذية ما نتاش حر!!
ومش شرط إنه عارفينك
مادام شاوروا ،عليك الدور
فإوعى تطاطي ب جبينك
ده ربك.. لفته هتدور
