حسرة قلب بقلم منى حسن

عمر القلب ما يفُسد.. العطاء للعطاء من غير انتظار مردود!!

ساعات انتظار التقدير بيحزن لكن الغفران والعطاء هما نقاء وسعادتك من داخل روحك وهما بيدوك الدفعه لمسيرتك!!

وان الجرح هو ما يفسد القلب!

لوم نفسك هو عقاب نفسك لنفسك. لان اذا تهاونت او سامحت او وثقت فانها امور كانت فى وقتها ولحظتها وكان  لها معنى وخرجت من مشاعرك بصفاء. فالندم مالوش لازمه بعدين

اذا كان فى سوء معامله ونيه خبيثه فهنا المشكله لان الجرح بيكون قاسي لخيبه امل من كان لك امل!!

من يتعامل من منطلق الجرح والندم يغل قلبه واحيانا يوصل ان يؤذى نفسه وممكن من تسبب فى اذاه

ومن تعامل مع الجرح فقط في صمت  فهو يعتصر قلبه  لحزن اليم لان ما يعطيه كان للعطاء بنقاء فعتابه مع نفسه لانه مكرر لنفس الأخطاء وخيبه الامل!

ومن تعامل مع الجرح والندم وانتظار مردود زى اسف او نوع من التقدير او توضيح موقف بصدق,   فده حاله حال لا حاينام ولا يهدى له بال الا باخد حقه, بيكون معمى وتصرفاته مش موزونه ومشكله لان اى مردود او تفاعل يقلل منه ومافيهوش اخد حق!! لان من الاول مش موجود..

ببساطه شديده ان من يأخذ خطوه للتباعد وخروج من حياتك فهو قرار بإن انت مش في حساباته أصلا فمش فارق معاه شعورك او تفاعلاتك او حتى رد فعلك. 

لذا اى رد فعل منك هو في الهوا مابيأثرش,  وهنا الصدمات والالم وكسر القلوب والجروح وخيبات الامل بتحصل!

العلاقات أنواع كتيره اوى منها المزيفه والمصلحه واللى ليها مغزى واللى وقتيه او تسليه الخ

العلاقات الحقيقيه اللى على أساس عمرها أطول سواء صداقه او حب 

الصداقه تعريفها واضح وتقوم على عطاء وحب وصدق ووضوح. وتوصل لاخوه مع الوقت والزمن. 

اما الحب فهو أنواع أساسه الثقه والصدق في المشاعر المتبادله ووضوح الشخصيات واهم النقط في العلاقه  هو الاقتناع ان هو ده اللى عاوز أكون معاه لان ده معناه تحته مفاتيح كل الحياه من حب وخوف وعطاء وامان وتفاهم وتسامح وانبساط واهم شيء السكينه والأمان وان مايعكر العلاقات مش متواجد زى الكذب وعدم الوضوح والخيانه وعدم الاحترام الخ

العلاقات المبنيه على أساس واصول التعامل الصحيح عمرها ماتتأثر حتى لو اتهزت شويه,  فرصتها التانيه اقوى للتمسك بيها لان الاتنين بيحاولوا جاهدين اصلاح  سبب هز العلاقه لارتباطهم ببعض وفهم مدى وعمق ارتباط شعورهم كمان اللى هو أساس علاقتهم وحياتهم. 

ودى من احلى واندر العلاقات لانها علاقه مكتمله من حب وصداقه وخوف على شعور واحترام وعطاء وثقه واكتمال في تقيم الواحد للاخر وتواجده في كيانه واحساس بعدم الاستغاء عنه لانه تؤام روحه. 

علاقه زى دى هي من اعلى مراحل العلاقات والحب والعشق وتعيش في القلب عمر مابتتغيرش, وهى تختلف عن علاقات تانيه تعيش أيضا ولكن بنهج مختلف لان ظروفها مختلفه واطرفها ممكن مع الزمن والسنين بيتشكلوا ويتغيروا مع مواقف الحياه وممكن بيكملوا الحياه سوا لكن بيقع في الطريق منهم حاجات جميله هي اللى جمعتهم في الأول وبيتناسوها مع يومياتهم. 

اما العلاقه التي تندرج تحت النصب العاطفى هي التلاعب باحاسيس لمجرد التسليه او مصلحه او لغرض واخرتها جرح لطرف يصاب  بخيبه امل واستغلال من طرف لايهمه الا مصلحه نفسه او لتكمله وتقضيه وقت خصوصا اذا اتلعب بالمشاعر ودى من العلاقات المدمره ممكن لحياه انسان

ان الانسان شعوره واحساسه من دقه قلبه,   اذا اتوجع كإن توقفت الحياه ولكنه يتنفس بلا حياه ويموت حب قلبه بحسرته.