بهي الدين مرسي يكتب: تأملاية..

لا أبداَ .. حضرتك مفيش قنبلة ذرية ضربت مصر ولا حاجة.

التغيير اللى حصل لما استبدلنا حاجات بحاجات تانية:

* لما استبدلنا أبلة فاهيتا بابلة فضيلة وتحولت ثقافة تنوير الطفل الى تخريب عقل الطفل.

* لما استبدلنا  كوميديان الاسقاط الجنسي والتحرش اللفظي عادل امام بكوميديان المواقف عبد السلام النابلسي.

* لما استبدلنا بلطجى السنج والمطاوي محمد رمضان بفتى الشاشة رشدى أباظة.

* لما استبدلنا دوشة "غطيان الحلل" اوكا واورتيجا بموسيقى عبد الحليم نويرة وعمر خيرت.

* لما استبدلنا بسمة وهبة بزينب الوكيل وهمت مصطفى.

* لما استبدلنا تاجر اللحوم البيضا السبكي بالمنتجة آسيا.

* لما استبدلنا عبارة "هاتي بوسة يا بت" بعبارة "بونسوار يا هانم".

* لما استبدلنا البنطال الساقط ببنطال فريد الاطرش اللى واصل للصدر.

* لما استبدلنا الواتس آب بقعدة البلكونة والتراس والجناين.

* لما استبدلنا نغمة الـ SMS بصوت جرس الباب في الزيارات العائلية.

* لما استبدلنا التوكتوك بالتاكسي المرسيدس والشيفرولية.

* لما بقت "نهضة مصر" مجرد تمثال امام حديقة الحيوان.

* لما بقت "الحقوق" في مصر "كلية".

* لما بقى "العدل" في بلادنا جروب انتاج سينمائي.

* لما بقت "الحرية" في بلادنا مجرد مول تجاري.

* لما بقا اللى بيتهرب من الضرايب هو نفسه اللى بيتبرع لمستشفى 57357

د. بهي الدين مرسي