مـن خـواطـرى ناس وحشة بقلم مــنى حــسن

مقياس الوحاشة فى البنى آدم بتتحسب من ايه, مقياس الوحاشةفى البنى آدمبتتقاسازاى , مقياس الوحاشةفى البنى آدمبيتحِكم عليها ازاى ومن مين .. وايه هى الوحاشة بتاعة البنى آدم ويقدر ازاى يقولها ويفنطها ويحطها قدامه وهل البنى ادم عنده الشجاعه الكافية انه يقدر يدخل جوه نفسه ويوجهها ويعدل فى حياته أو يغربل وحاشته بحيث انها تبقى في الآخر تتقلب لحاجة كويسة وايجابية والا حيكمل عليها ويبقى بنى آدم بيشعوحاشة ..

 وايه هىالوحاشة اساساً وهل الوحاشةفى عيون الناس وحدها والا بالموقف و الافعال والا برد الفعل ...  وهل الوحاشةدى البنى ادم نفسهبيعرف يقيمها ويعرف يقول دى طلعت منى والا اللى قدامه هو اللىبيحكُم ...

العصبية وقلة الأدب والذوق والكدب والنفاق والرياء والمحلسة وقله الضمير وحاجات كتيره اوى من الحاجات دىتدرج فى مقاييس الوحاشة فهل البنى آدم اللىبيتعايش أو بيعيش بالطريقة دى طبيعتهاوشخصيته اتبنت او بقت كده ... وهل البنى آدم بيبقى مليانصفات كتيرة من الحاجات دىوالا ممكن البنى آدم بتبقىشخصيته ساعات فيها خصلة واحدة منها,زى واحد كذاب بس أو واحد منافق بس أو واحد ايده طويلة بس او واحد ضميره نايم وفى حالات ممكن يكون بيستعمل المجاملة علشان يدارى بيها حاجات تانية وممكن واحد بيدارى حاجات فىحياته زى مثلا ابو لمعه (فشار ) كلامه كله كذب تهويل لتعويض نقص معين بس هل دى تدخل فى الوحاشه ولا حاله نفسيه ولعدم التوجيه تمكنت وبقت خصله فيه..

هل الحاجات دىهوبيبقىشايفها انها حاجة وحشة والا ده جزء من شخصيته ومعتبر ان التصرفات  دىمافيهاش مشاكل وان ده شئطبيعى وايه المشكله,  والا الناس مابتقدرش تقوله انه ده وحش وسايبينه كده والموضوع بقى امر مسلم بيه,  وهل الناس المفروض انها تلفت نظره والا هما بيتحرجوافمابيقدروش يقولوا له انه انت وحش,أوإيه الدرجة اللى ممكن يوصل لها البنى آدم في انه يوصل لنفسه ويقولها انا وحش فى كذا وأحاول إن أبطله وأحاول إن أنا أعالجوه وهل ده ممكن انه هو يحصل ..  هل البنى آدم من الشجاعهالكافيه إنه يواجه نفسه ويقول أنا فيا كذا وأنا حأبطلهوالا ده حيبقى نقص فى شخصيته وتكوينه, أو حيأثر على نظرة الناس له لو إعترف بكده أو إنه هو من غير ما يعترف ويحاول يعدل نفسه, هل الناس حاتصدقه!

الــهلكتيرة أوى, مش مفهوم ايه اللىممكن يكون من نتايجها بعد كده, بس هىفي الآخر حتكون حاجة ايجابية, لو إن البنى آدم دايما يتواصل مع نفسه من جوه ويحاول يصلح منها ويحاول انه هو يشيل الشوائب والحاجات الوحشة اللى جواه, علشانيبتدى يسمو بشخصيته وبشخصه وبطريقته وبالإحساس اللى جواه وبالطاقة اللى جواه بانها تطلع دايماً ايجابية على اللىحواليه وعلى نفسه هو الأول,  لأنه هو لو حاول يكون كويس مع نفسه الأول حيبقى كويس مع كل الناس, ودى تبقى بداية صالحة لحياته وحياة غيره ..  بس هل الشجاعه كافيه هل الظروف والضغوطكافيه هل اللى حواليه حيساعدوه!

هل هو قوى كفايه انه هو يقدر على مواجهه نفسه لانها صعبه, لكن محاسبه النفس شئ مهم لتحسنها..

مواجهه غلط الفعل يحسن من بلوره الشخصيه لان التمادى فى الوحاشه هو موت احساس وتدمير للنفس والاخر..