منى حسن تكتب: من خواطرى ندى الكرامه

لم نعد كما كنا ولا حانرجع زي زمان مع ضياع كرامه الانسان.. خساره على الوقت الزمن اللي راح,  كل شويه بتوقع حاجه فى التاريخ وكنا فاكرين الجاى هيلملم شتات الي  فات بس مش نافع مع شغل الشحاته تحت ستار الحقوا البلاد, مفيش حاجه اسمها الحقونا, اسمها اعملوا واكسبوا وابنو نفسكم بنفسكوا, الشياكه والانتماء بأني أنا اعمل او ادى من غير ما اطلب, انما بقيت العمليه صعبه اوي عايز ترفع راسك لفوق ازاى و انت بتضحك على نفسك, كل واحد قاعد بيعمل حكايه وعايز يبقى حاجه والارض اللى المفروض تكون صلبه هشه مش واقفه على حيلها فإللى بيتعمل ده هيوقع, هتقولى اصل احنا بنبنى الارض الصلبه علشان كله يمشي مع بعضه,  ماينفعش فى حاجات وقعت واتغيرت والاصول اتهزت فى الكام سنه الي فاتو, لازم كله يمشي بشده مع بعضه لازم كله يتلم مع بعضه مانفعش ابقى انا بزود فى حته و بنفخ فى حته وبحسس البني ادمين ان الدنيا كلها وردي فى حته وهي اصلا ضلمه, هى مش ضلمه اوى مش تشاؤميه,  بس في غلطات كتيره جدا جدا جدا من كتر ما انا تعبت مبقاش عندى استعداد امسك حاجه حاجه افنطها, اكتر حاجه تعباني في الموضوع البني ادام نفسه لانه هو اساسه مفتاح كل الموضوع وهو للاسف مش هنا, وصل انه عاوز وبس, اكله وشربه وبس وغير تكنولوجيا مفيده متوظفتش صح الي بهدلت الدنيا وبس .

 الاعلام والتليفزيون والانترنت اتوظف غلط مع ناس ثقافتها ماكنتش تقدر تستوعب الكلام ده فوظوفوه غلط, فبالتالي اتغيرت اصولهم وثقافتهم وعادتهم وتقاليدهم واتقلدو بحاجات واكتسبوا حاجات متمشيش معاهم ولا مع افكارهم بمعنى حفظوا مافهموش فبئا عندهم لخبطه جامده جدا وضاعت هويتهم وكينونتهم وطريقتهم وحيائهم واحترامهم, و لو حد قالي انتي بتعممي اه بعمم لان الاقليه بقيت حاجه مش مذكوره ويمكن ان الاقليه دى هى الناس المثقفه الي خلاص تعبت ومابقتش عايزه تخش فى المنظومه دى وهى حزينه وعلى فكره المثقفين اللي بتكلم عليهم مش هما اللي تعبوا ودخلو مدارس وبس لأ المثقفين دول اللى هما الي عندهم خبرات وشافوا وراحو وجم علشان الثقافه مش هى علم بس,  فـى ناس كتيره اوى مثقفه للاسف اسلوبهم وطريقتهم اخجل ان انسبهم للناس المثقفه.

 البيئه كمان ليها دور في التربيه,كفايه اسلوب الكلام والعنف والافكار السلبيه, وكفايه الزحمه والهرجله والهمجيه, كفايه الزباله والمايه والهوا الملوث, كفايه وخلاص كل ده محتاج لكلمه صعبه اوى انها تكون اباده لان الاباده فيها ازيه انا ماقصدهاش بالمعنى ده, انا اقصد ان لازم ده يوقف ويتشال من جدوره  ويبتيدي البني ادام من اول وجديد وارجع واقول لان مش هينفع إلا بداياً بالنشء الصغير وانه لازم يتنشل من المجتمع ده علشان يكبر بفكر فى بيئه صحيه وانا بذهل لما اشوف الولاد الصغيره بيتكلمو ازاى و بيتعاملوا ازاى... وبيقولو ايه وده رى اكشن او رد فعل ومردود اللي بيخرجوا بيه من الالفاظ ومن الاسلوب من التلفزيون او التمثليات او البرامج و كل حاجه من الحاجات دى, حتي لو كان في تعليم عالي او تعليم الزامي او تعليم خاص, المجتمع واحد, ده غيرغزو عالم العشوائيات.

 انا مش شايفه ان في فرق من ابن غفير او ابن سفير... الاعلام واحد وللأسف بقيت هيا دى مصر.

مصريه 2013