راجي بشاي يكتب : ما بين شعب كاذب و شعب مهزوز‬

 

** المرحلة التالتة :

اختيار فلسطين و الترويج لاسطورة ارض الميعاد :

♦ في الوقت اللي الصهاينة الجدد بيروجوا فيه لوجوب عودتهم للارض الموعودة ... و بروباجندا الدعاية بتاعتهم بتزرع الفكرة جوا العالم كله .. كان بيتم اتفاق تاني خااااالص لا يعلم عنه أحد 

* الإتفاق بين الدولة العثمانية متمثلة في محمد الخامس رشاد نيابة عن السلطان عبد الحميد و الإحتلال الانجليزي ينوب عنه هربرت صموئيل اللي جه بعد كده مندوب سامي علي فلسطين 

* لأنه كان خلاص .. ظهرت الصهيونية المالية بقيادة روتشيلد و مورڤون

♦السلطان عبد الحميد ده اللي ضيع الدولة العثمانية و كانت علاقته كويسة بالانجليز و الفرنسيين اللي طردوه من مستعمراته .. متعرفش بقا كان مصاب بمتلازمة ستكهولم و لا ايه 

*و كان الإتفاق خطواته كالتالي :

بسبب الإنهيار الاقتصادي للدولة العثمانية .. ف كانوا بيفرضوا ضرائب باهظة جدااا علي المستعمرات

* محمد رشاد الوالي فرض ضرائب قاتلة علي الفلاحين الفلسطينيين ميقدروش يسددوا يروح يشتكيهم للمندوب السامي المندوب السامي يبيع الاراضي في المزاد المزاد يتعمل في اسطنبول في حضور اليهود اللي يشتروا الارض و يودعوا ثمن البيع في خزينة الدولة العثمانية 

* يتنقل مجموعات يهودية لارض فلسطين .. عايزين يشتغلوا و يعيشوا

يروحوا لمين  للوالي .. اللي بيرجع طلباتهم لمين  المندوب السامي الانجليزي .. ف يوافق علي منحهم الأراضي الأميرية " اللي هي أرض الحكومة " في مقابل مبلغ رمزي في منحة اسمها الفقير المضطهد .. شوفت الحلاوة و التكتكة اللى على أصولها !!

*و لما جه هربرت صموئيل ده بقى في اول اسبوع له .. راح ممسى علي اليهود ب ٤٧٥ ألف دونم من المساحات الساحلية في أرض فلسطين حيفا و يافا

* كمان قانون أمان العمالة اللي هو منع الاقطاعيين اللبنانيين و السوريين من الدخول للاراضي الفلسطينية .. لانهم تحت الاحتلال الفرنسي زي عائلة آل سرسق اللبنانية و آل تويني.. قالك دول جواسيس و لازم يبيعوا اراضيهم و احنا هنوفرلهم مشترين باسعار ممتازة و طبعا المشترين مييييين اليهود 

* بعدها جه قانون التحكير و إتفاقية شريف مكة و آل سعود و بلفور 

و اليهودي اللي بيأجر مبيطلعش .. و بيتعمل للفلسطينيين نزع ملكية من املاكهم

** المرحلة الرابعة : وهى مرحلة صناعة الحركات الارهابية :

الفلسطينيين بدأوا يقلقوا و حبوا يتصدوا للي بيحصل ده

*حصلت الثورة العربية للحفاظ علي فلسطين و اللي تزعمها مجلس علماء فلسطين و المفتي امين الحسيني اصدر فتوي شرعية بعد جواز بيع الارض لليهود لدرجة تكفير الفلسطيني اللي هيبيع و اخراجه من الملة

* و طلب دعم المسلمين : بس المسلمين كانوا تحت الاحتلال ... انما فيه جماعات كانت بتلم فلوس تبعتها لامين الحسيني يشتري بيها اراضي من فقراء فلسطين و يسددوا الضرايب اللي عليهم و بعدين يعيد لهم تاني

من الجماعات دي  حافظ نجيب الثعلب المصري و كان بيسهل مهمته ظباط من الجيش المصري و ناس من حزب الوفد " قبل ما يتهكر زي دلوقت " وكان فيه عشرات زي حافظ نجيب في كل ارض العرب و الفلاحين كانوا بيخبوا جزء من المحصول و يبيعوه من ورا الاحتلال و يبعتوا فلوسه فلسطين انقاذا للاراضي من الاستيطان

*وفي سنة 1936 قامت الثورة الفلسطينية :

كانت بريطانيا بتجهز مجموعات مسلحة إرتكبت كل انواع المذابح في فلسطين

*هاجاناه و دي ميليشا مسلحة تم تدريبها علي يد بريطانيا في أسكتلندا ثم تم نقلها في شكل مستوطنين لفلسطين نفذوا مذابح كتير منها مذبحة دير ياسين

*أرجون  ارجون تسڤاي لوئومي اللي اختصارها (اتسل) 

منظمة ارهابية بتنفذ اغتيالات قام بتدريبها جنرالات الجيش البريطاني في صحراء النقب و بعدها نقلوهم ل بيشوڤ يافا " بيشوڤ يعني مستوطنة "

*بيتار و دي بقا براعم الارهاب .. شباب يهود من سن 18 الي 26 سنة اختارهم چنرال راكور قائد المشاة الانجليزي و تولي تدريبهم علي اعداد المتفجرات و القيام بالهجمات الارهابية المنظمة

*شتريت منظمة حماة حرية اسرائيل و دي اسسها ليمي شتريت بس باع الانجليز و اتجسس عليهم لحساب الالمان ف اعدموه لكن عمل احلي شغل ..ده كان تخصص تفجير مساجد اثناء الصلاة

*بليماخ  و ده الزغلول الكبير بقا .. قوات الصاعقة و اللي هي فرز أول إيد بريطانيا و اللي أنشأ منها جيش الاحتلال و طلع منها شارون و موشى دايان و اسحق رابين

♦التعرض للمذابح و الصدامات مع العصابات دي عملت حالة خوف وسط الفلسطينيين .. تكيفوا مع فكرة وجود العصابات الصهيونية المهم نعيش يابا 

*و بقى أمين الحسيني بيأذن في مالطا .. يجيب فلوس من العرب .. يشتري الأراضي و يسدد الضرايب .. يرجع الأراضي للفلسطينيين .. يبيعوها تااااااني العرب زهقوا .. ما هو مفيش حل .. وقفوا التمويل .. خصوصا بعد نكبة 48

* العصابات الصهيونية قدرت تهجر 58% من الفلسطينيين من اراضيهم

و الخوف حول الفلسطيني من مناضل ل شخص بيولول و يندب و يتهم كل اللي حواليه بالخيانة إلااااا نفسه .. زي دلوقت بالظبطططط 

وينكن يا عرب .. طب من باب اولي وينكن يا بتوع الضفة الغربية  لكن التمويل القديم خلاهم بشر متواكلة ... عايزة تنام علي ضهرها و يتعملها كل حاجة 

** المرحلة الخامسة :

نكبة 48 :هبت 5 جيوش عربية لانقاذ فلسطين من اليهود .. يا راااااجل 

♦الجيوش العربية بقى :١- الجيش المصري اللي تحت الاحتلال الانجليزي اللي هو أساساً منح فلسطين لليهود

٢- الجيش الاردني .. تحت نفس الاحتلال

٣- الجيش العراقي .. شرحه

٤- الجيش السوري .. احتلال فرنسي

٥- الجيش السعودي و دي النكتة اللي في الموضوع .. هي السعودية كان عندها جيش أساساً وقتها!! إحنا نشتغل نفسنا .. محدش غريب يشتغلنا

♦ دور الفلسطينيين ايه بقى في الحرب  نزحوا لأماكن آمنة 

و سابوا العصابات الصهيونية و الجيش الانجليزي و بعض مرتزقة الجيش الفرنسي يفرموا الجيوش الغير مؤهلة بالمرة وكانت هزيمة نكراء ..هكتفى بكلمة هزيمة بس فى الحقيقة المفروض يتكتب كلمة بس هتتشال من الرقابة  .. و أعقبها إعلان دولة اسرائيل دولة يهودية و قوية كمان 

*وينكن يا عرب  طب وينكن يا فلسطينيين اتعودوا التهجير و النزوح و لا انهم يواجهوا عدوهم 

** المرحلة السادسة :

إعادة اليهود تشكيل المجتمع الفلسطيني :

♦ اليهود إتبعوا سياسة العصا و الجزرة عن طريق زراعة العناصر النسائية للإيقاع بكبار ملاك القري و دي خطة نجحت مع عرب 48 إنهم اندمجوا في المجتمع الاسرائيلي و بقى معاهم باسبورات اسرائيلية .. و هويات اسرائيلية و ليهم كوتة في الكنيست 10% و القضاء و الاعلام و الدبلوماسية .. كله ما عدا الجيش و الموساد 

* قدموا ايه بقى عرب 48 للقضية الفلسطينية لحد انهاردة 

و لا حاجة .. مواطن اسرائيلي كيوووت و مؤدب و متأقلم مع الإحتلال ...... و واكل الجزرة .. مشيها واكلها

*و العصا لمن عصى  إرهاب و تهجير .. بدل ما يقاوموا هربوا علي أوروبا و أمريكا لجوء 

* سنة 67 دخل موشى دايان أخد الضفة بلا أي مقاومة .. سابوها و نزحوا  .. سلم لى أوى أوى على الوطنية و النضال

* و في سنة 1970 و بعد موت عبد الناصر . إتعمل نظام الرواتب 

إعانات تيجي من برا .. يطلع منها رواتب للفلسطينيين بدون عمل و لا مجهود 

يا سلام ده حاجة حلوة خالص .. أكل و مرعى و قلة صنعة !!

* لحد ما توسعت اسرائيل في مساحة 78% من الاراضي و بعد 1973 إتأكد لجميع العرب إن الفلسطينيين مفقود فيهم الامل ... لأن كانت فرصتهم في التحرير كبيرة لو دخلوا الحرب بس هما فضلوا يسمعوا اخبار الحرب في الراديو 

*الحقيقة بكل أمانة و حيادية: الفلسطينيين زمان مباعوش و مخانوش .. بالعكس اتسرقوا و اتنصب عليهم .. لكنهم جابوا أجيال جبناء .. إتخلوا عن أرضهم في مقابل حياتهم 

الأب الجبان هيخلف إيه غير أجيال تشبه حماس و فتح و أبو مازن و عرفات .. وأدوا كل احلام المقاومة الشريفة اللي اختفت في مقابل تكوين الثروات 

** الحق و الحق أقول : مفيش تحرير للقدس و لا الأقصي في وجود أجيال قابلة تعيش بباسبور المحتل .. قابلة تأخد راتب شهري من فلوس الرشاوي الأوروبية و الامريكية .. قابلة تاخد مكافآت من العضم اللي بيرميه لهم ممالك البترول .. قابلة فكرة التهجير و النزوح .. قابلة فكرة ان جيوش تدخل تحررلهم أرضهم و هما نايمين و من غير لا مؤاخذة علي بطنهم!!

لما فلسطين تتحرر الأول من الخونة و الجبناء و العملاء دول .. ساعتها نشوف حوار اسرائيل ده 

*دي بعض من حقيقة شعب إخترع أكذوبة أرض الميعاد و فرضها علي العالم بمساعدة أمواله و نفوذه .. و سرق أرض من شعب مهزوز إتغيرت ديموجرافيته في كام سنة 

** أما بقى اسطورة شعب الله المختار .. لما ييجي وقتها إن أمهلنا الرب و عشنا فى العدد القادم