صوت الأدان طالع مع صوت الجرس
واحة أمان فى العتمة لو غابوا الحرس
نورها وبان فى الضلمة عمرة ما انحبس
مصر وطن فى الأصل كان حالة ونس
نداهه ندهت شعبها بنيل جميل
طعم السماحة فى ميتة السلسبيل
سمش شتاها فى السما مالهاش مثيل
نورها ودفاها ما يحجبه ولا ألف ليل
هيا الحبيبة الملهمة أم الغنا والماوويل
كل اللى زارها حبها
دايمن كده متربعة فى قلوب جنودها وشعبها
بعشق فاق حد الهوس
مصر وطن فى الأصل كان حالة ونس
فى بولاق وشبرا والمعصرة والباستين
قفشة ونكتة وضحكة طالعة منورة عرق الجبين
مع بعض لما بيفرحوا مع بعض فى اليوم الحزين
متوحدين وموحدين ما هى حلوة الروح والنفس
مصر وطن فى الأصل كان حالة ونس
وصيفها فيه أجمل قمر فارش بنوره على الشجر
شايف ولادها الفلاحين منورين ليل السمر
لعب العصا والحواديت
والشاى يدور من إيد لإيد
مال القمر على نجمة ضاحكة جنب منه وهمس
مصر وطن فى الأصل كان حالة ونس
فيها الإيمان عدل ومحبة
وقت المحن أهل وأحبة
وشيخنا رفعت يقرا بصوته المعجزة قرآن كريم
كأنه نازل من السما بصوت ملاك عذب ورخيم
تراتيل محبة من الكنايس طالعة تغنى للسلام
مهد الحضارة معلمة الدنيا الكلام
وصوتها مالى الكون غنا
شال من ليالينا الخرس
مصر وكن فى الأصل كان حالة ونس
أخبار متعلقة :