الوحدة المحلية المجلس المحلي الشعبي هكلمك النهاردة عن المحليات ونعرف معلومة عنها يعني ايه محليات ؟
المحليات قسمين الأول هو التنفيذي أو بالفلاحي هو الوحدات المحلية
الثاني هو الرقابي أو بالفلاحي هو المجلس المحلي الشعبي
هنعرف ايه الخدمات اللي الجزء التنفيذي الوحدة المحلية بيقدمها للمواطنين
1 _ المياة فمثلا لو فيه قرية مفهاش مياه هي المسئولة عن توصيلها للقرية وكمان بتعطيك تصاريح عداد المياة وغيرها من الأمور المتعلقة بالمياه
2 _ الكهرباء تصاريح العدادات و الكهرباء
3 _ الصرف الصحي والمجاري
4 _ الرعاية الصحية المتمثلة في الوحدات الصحية اللي المفترض أنها بتقدم الخدمة الطبية للناس تقريبا بالمجان
5 _ رصف الطرق و تزينها أو تشجيرها أو غيرة
6 _ إنارة الشوارع و الطرق
7 _ الزبالة أو النظافة
8 _ مسئولة عنه الأسواق
9 _ عمل تصاريح المباني أو الهدم وفرض الضرائب و الغرامات
10 _ مسئولة مع المجلس المحلي الشعبي الرقابي في خطة للحفاظ عن الأمن في القري
11 مسئولة عن التصرف في أملاك الدولة تأجيرها أو بأي طريقة لا تخالف القانون وذلك لدعم الموارد المالية أما في المحافظة أو المركز أو القرية وغير ذلك مما يتيح لها القانون
معني كدة أن الوحدة المحلية هي بمثابته مجلس وزراء الدولة لكل من المحافظة أو المركز أو القرية والمفروض انها تقدم الخدمات للمواطن وتحقق العدالة الاجتماعية في منطقتها ودة معناه أنها لو قدمت الخدمات للمواطن بشكل سليم هيبقى المواطن مش محتاج أي شيء وراضي عن الدولة كلها الدولة في المحليات منقسمة الي محافظات مراكز _ مدن احياء قري محافظات وكل محافظة بيراسها المحافظة وبيراقب عليها مجلس محلي شعبي منتخب والمحافظات منقسمة الي مراكز وكل مركز له جهاز تنفيذي الوحدة المحلية وجهاز بيرقبة جهاز رقابي اسمة مجلس محلي شعبي وكل مدينة لها جهاز تنفيذي ومجلس محلي شعبي وكل مدينه عبارة عن مجموعة من الأحياء وكل حي له وحدة محلية و مجلس شعبي محلي للحي وبالنسبة للقرى فيه وحدة محلية برأسها رئيس الوحدة المحلية وبيراقبة مجلس شعبي محلي للقرية وبتضم القرية مجموعة من العزب و الكفور و النجوع خلصنا كدة.
شوفوا بقي علشان تقدر تقدم الوحدة المحلية الخدمات المنوط بها بشكل كويس يبقي المجلس الرقابي المجلس الشعبي المحلي اللي احنا بننتخبة يكون له صلاحيات لمحاسبة الوحدة المحلية العقل بيقول كدة بس القانون الحالي للإدارة المحلية لا يعطي المجلس المحلي الشعبي سحب الثقة من مدير الوحدة المحلية غير كدة كمان من حق المحافظ أو الوزير انه يحل المجلس المحلي الشعبي الحالي وتعين واحد آخر معني كدة انهم ممكن يجملوا بعض اللي هما المحافظ و الوزير و مدير الوحدة لأنهم موظفين دولة.
اما المجلس المحلي الشعبي بيتم بالانتخاب ومن عامة الشعب اللي مبيفهموش و الدولة بتعطيهم المجلس المحلي الشعبي دة عظمة يتلاهوا فيها خلاص دة باختصار والفلاحي وكما ليس من حق المجلس المحلي الشعبي استجواب المحافظ أو مدير الوحدة المحلية دورة فقط هو اتفرج يا معلم تقديم السؤال والمقترحات بس فقط خلاص يعني بالمفتشر انه ملوش أي لازمة كما أن القانون لا يسمح بانتخاب رؤساء الوحدات المحلية للقرى أو المدن أو الأحياء أو المركز بل يتم تعينهم من قبل الدولة .. معني كدة انه موظف حكومة واذا كلمته هيرفع عليك قضية التعدي علي موظف حكومة و مينفعش الدولة تفصله إلا إذا ثبت علية اختلاس أو سرقة أو رشوة فهمت يا معلم الدنيا ماشي أذي هو دة سبب الفساد اللي في المحليات أن الموظف في المحليات بيتكلم بعين قوية اما انت مجرد نملة أو المفروض أن النملة تمشي جنب الحيطة لا هيفعصك بس علي فكرة اذا اجتمعت النمل مع بعضها هتفضل تلدعة لحد ما تموته مهما كانت سلطته شوفوا بقي صلاحيات المجلس المحلي الشعبي حسب قانون الإدارة المحلية اقتراح خطة تنمية القرية اقتصاديا و اجتماعيا و عمرانيا اقتراح مشروع الموازنة و إقرار مشروع الحساب الختامي اقتراح وسائل المشاركة الشعبية بالجهود والإمكانيات الذاتية في نطاق القرية لرفع مستواها العمل علي نشر الوعي الزراعي بما يحقق تحسين و توزيع الإنتاج الزراعي اقتراح انشاء مختلف المرافق العامة للقرية العمل علي محو الأمية و تنظيم الأسرة ورعاية الشباب وتعميق القيم الدينية والأخلاقية شوفت يا سيادي كله اقتراح × اقتراح = ملوش أي لازمة بتكون من 24 عضو و القرية اللي فيها الوحدة المحلية لابد أن يكون لها 2 عضو علي الأقل شروط الترشح للمجلس المحلي الشعبي السن في القانون المعطل 21 وفي القانون القديم 25 سنه ولكن هناك اتفاق انه 21 سنه أن يكون مصري الجنسية أن يجيد القراءة والكتابه أن يكون أدى الخدمة العسكرية الإلزامية أو أعفي منها حسب القانون تحياتي للوحدة المحلية و المجلس المحلي الشعبي دا غير كدة حاجات تشيب تلاقي انهم كلهم جالسين يقترحوا ولو لعب معاهم الحظ وتم تفعيل اقتراح من بتاعهم يجلسون يتخنقوا ويتعاركوا علي لمين ينسب الفضل
أخبار متعلقة :