ظلمت نفسي وقلبي كان شاهد
ودَخَلت نار الفِكر بقصيدة
ودَخَلت حرب بعقلي وبقلبي
وانا روحي تايهه بريئة وعنيدة
معرفش ليه غاوي وجع قلبي
معرفش قلبي راضي ليه بوجعُه
كل اما بنسى بفتكر دايما
ولا حد فاهم قلبي ولا سامعُه
مرسال جمالها الليلة يتغنى
محتاج وجودها وهي ليه بتبعِد
عارفاني شوقي كبير وبتمنى
لو ضمة شاهدة لحضني دي بتسنِد
يا سمرا قولي وطوفي مع روحي
حطيلي إيدِك فوق جبال قلبي
حسيني يمكن ضمة تداويني
أو قتلي يحلا بحب مش ذنبي
حيران يا سمرا دوايا وياكي
اعترفي ليا وقولي انا بهواك
شياطين بتنهش جتتي لكن
قوليهالي تاني بروحي انا عاشقاك
أخبار متعلقة :