الرئيس السيسى خلال حواره مع أهالى الأسمرات: ربنا يجعل الأيام دى أيام مباركة وجميلة علينا جميعا.. إحنا كمصريين لازم يكون عندنا أمل وثقة كبيرة فى نفسنا.. وعن مشاريع الإسكان: "هنعمل أكتر ونحسن على قد ما نقدر"

قال الرئيس عبد الفتاح السيسى: "برحب بيكم وسعيد إنى موجود معاكم، وديما أيامنا نكون مع بعض".

وأضاف الرئيس السيسى خلال حوار مفتوح مع أهالى الأسمرات: "الكلام اللى قلته من أوله لأخره، سواء مع نورهان أو يوسف أو الحاجة نعمة والحاجة منال، ومحمد، هو أن احنا ديما كأسرة واحدة، أسرة مصر، لازم يكون أولا عندنا أمل كبير وثقة كبيرة فى نفسنا، لأن اللى اتعمل بفضل ربنا وفضل جهدكم كتير أوى، ولسه شغالين، وهنعمل أكتر، فى ظروف صعبة مفيش كلام، لكان الدنيا ماشية واحنا عشان نخلى الدنيا ماشية فى ظل الظروف دي.."، وقطع الرئيس كلامه موجها كلامه لسيدة: "شوفوا اللى عاوزاه أنا هاجى أسلم عليكى والله".

قال الرئيس عبد الفتاح السيسى إننا حياة كريمة نتحدث عن 60 مليون مواطن وهى نسبة كبيرة، والصرف الصحى في القرى كان 12 % ونريد أن نصل لـ100 % ولابد أن نتضافر كلنا .

 

وأضاف الرئيس السيسى خلال حوار مفتوح مع أهالى الأسمرات، أن حياة كريمة لكل أهلنا ولا نتفرج عليهم، والكرم سيأتى، وأنا بحلم بالكرم، وأقول للناس في البيوت أدعولنا بأن يفيض الله من بركاته، ويدعى أخوانا المسلمين والمسيحيين في الأيام المباركة، أن يفيض الله من بركاته، عشان نعمل أكتر ولا نعمل شيء شر على الإطلاق بل بناء وتعليم وصحة وغيره .

 

وتابع الرئيس السيسى :"ربنا يجعل الأيام ده أيام مباركة وجميلة علينا ، والصيام اللى بنصوموا مسلمين ومسيحيين شيء جميل جدا".

 

قال الرئيس عبد الفتاح السيسى، إنه لا يجب أن نرى المجتمع يعانى، ولا نجرى عليه، ونساعده، متابعا :"كتير من الناس تقول أنت بتتكلم كتير ليه، لأن الحقيقة إن ربنا بيساعد اللى بيساعد، ولو مساعدش خلاص".

 

وأضاف الرئيس السيسى خلال حوار مفتوح مع أهالى الأسمرات :"هناك 300 ألف شقة في الأسمرات وفي الإسكندرية ومناطق أخرى ولو اتسعروا انهارده هيكونوا 300 مليار جنيه".

 

وتابع الرئيس السيسى :"لو انتظرنا وقولنا لما ربنا يسهل، وربنا يكون معانا، ونمر عليهم، وليس لنا علاقة بهم، ولكن أحنا بنعمل، ومش هنبطل نعمل، وهنعمل أكتر وأكتر ونحسن على قد ما ربنا يقدرنا".

وقال الرئيس عبد الفتاح السيسي خلال حوار مفتوح أداره مع أهالى حى الأسمرات: "نضع روح مختلفة فى المدارس بعدما أهلنا مديرى المدارس والنظار لأن التعليم الذى نحل به أكثر كثيرا مما نحن فيه وبدنه صعب جدا نطلع لقدام، عندنا 25 مليون فى التعليم الأساسى وحوالى 4 ملايين فى التعليم الجامعى ودول دولتين 3 ولو قدرنا نوفر تعليم جيد هنكون فى مكان آخر".