ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم والفنان أحمد صلاح حسنى، العلاقة بين الأزواج حيث طرح سؤالا عن فقدان الرجل اهتمامه بشريكة حياته، وعلقت الإعلامية شريهان أبو الحسن: " لو أنا مش متوقعة حاجات حلوة مع شريك حياتى اهتمام ورعاية وحرص.. والكلمة اللى طالعة منه عارف هو طلعه منه ليه ولفين.. لو مكنش كده أعيش معاه ليه؟".
وأضافت :"الحب يعنى أتوقع منك حاجات حلوة.. ولما أكون راجعة من الشغل زعلانة هو يحس بيا ويسمعنى.. ولو الشهر ده عيد ميلادى متوقعة أنه قبلها الطرف التانى يتحدث عن عيد ميلادى فى البيت.. ولو معمليش كده مين هيعملى الكلام ده".
وعلق الفنان أحمد صلاح حسنى: "اللى بيحب حد بيسيب نفسه للى بيحبه ومبيعلمش خطة معاه.. والعلاقة بين المرتبطين مش ورقة وقلم.. الإحساس هو اللي بيخلينا نعمل الحاجات تبسط حبايبنا".
وكشف عن علامات فقدان الرجل اهتمامه بالمرأة، متسائلا : "لو الراجل المرتبطة بيه فقد إحساسه بالاهتمام تتصرفي إزاي؟"
وقال أحمد صلاح حسنى: "كل رجل وله طريقة.. فيه نوع إذا اختفت الزوجة عن الرجل يبتدى يقلق.. وفيه رجالة مش بتحب الزن مش بيجيب نتيجة معاه.. وفيه رجالة بالطريقة تجيبيه".
وأضاف عبر برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم: "فيه ستات مش بتحب الراجل اللى ضاغط عليها طول الوقت.. وفيه ستات لو الراجل مهتمش ترجع تانى تتظبط.. اكتر حاجة بتوقع الدنيا هو التوقع من الطرف الآخر أى حاجة من الطرف الأول".
وقال عن كيفية اختبار مشاعر الطرف الثانى : "بيبقى اهتمام حقيقى فى فترة الخطوبة أو بعدها، ولكن بيختلف بعد الزواج بيبقى كل طرف عاوز يعرف الطرف اللى قدامه عامل أزاى، وحاجات بتطبع مع العشرة، ولو فضلنا مع بعض طول العمر هيتغير الكلام بطريقة تانية".
وقالت الفنانة هيدى كرم: "الرجالة لما مش بتهتم بتبدأ الست تنسحب عشان الراجل يفوق ويرجع يهتم تانى.. وهل الضغط عليه يفقد الرجل اهتمامه".
وكشفت الفنانة هيدى كرم عن علامات الاهتمام بين الطرفين، قائلة:"الرجل بيسأل أسئلة كثيرة جدا عندما يكون مهتم.. وييحب يسأل عن تفاصيل حياتها الشخصية ويعند من باب الفضول الجميل.. ويسمع لزوجته كتير جدا ويخصص لها وقت تتحدث فيه برحتها.. بيجيب هدايا فى المناسبات وتعد تعبير عن اهتمام الرجل بزوجته.. التواصل بلغة العيون باستمرار.. اقتراح مشروعات مشتركة والحديث عن المستقبل".
هذا الخبر منقول من اليوم السابع