ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم، مشكلة فتاة كانت مرتبطة 3 سنين وفيه واحد متقدملها حاليا وشايفاه مناسب ليها أكتر، والسبب الحقيقى لطلاق نهال عنبر من زوجها.
قالت الفنانة هيدى كرم: "فتاه عندها 20 سنة كانت مرتبطة 3 سنين والمفترض أنه كان منتظر اخلص الجامعة ونتزوج.. وفيه واحد متقدملها دلوقتى وشايفاه مناسب ليها أكتر".
وعلقت الإعلامية شريهان أبو الحسن: "البنت عاوزة تلحق فرصة للزواج.. وهى عاوزة تتجوز ومش عيب انك تجوزيه لو هناك فرصة.. وممكن يكون مناسب ولطيف.. وممكن تحبى العريس اللى جالك ويبقى ما بينكم حب حلو".
وكشفت الفنانة نهال عنبر عن السبب الحقيقى لطلاقها، وكيف تحل الزوجة مشاكلها مع جوزها.
وقالت نهال خلال برنامج راجل و2 ستات: "عمر ما طلبت طلب فى حياتى مع جوزى بطريقة جافة .. وكان بيتحرج منى من اسلوب طلبى.. ولازم تطبطبى على جوزك.. ويلا قوم افطر وبدلع.. ولية الواحد يبقى جاف مع جوزك تبقى لينة وجافة".
وتابع : "الكلام الحلو حتى ولو فيه مشكلة ونقعد مع بعض ونحل المشاكل، والطلاق علشان مشكلة غير كده خالص.. هو حياته برا وانا حياتى هنا فى مصر.. ومقدرش اعيش برا عشان مدارس حسام وانا عايشة فى مصر.. ومش قادرة استحمل اعيش لوحدى لوحدى ومش متجوزة".
وأوضحت : "الست لو فضلت حاضة فى دماغك انك تشتقبلى جوزك بطريقة حلوة.. وهناك وقت معين للحديث عن المشكلة وليس بالخناق.. ولما تلاقى جوزك غلاط اهدى انتى وبعد كده لومى جوزك على اللى غلطة".
قالت الإعلامية شريهان أبو الحسن: "زوجة كان زوجها مش بيخلف وهي نفسها في الأطفال وبتفكر تسيبه.. وعندها 37 عاما وكلها فترة وتخلص فترة الإنجاب.. ولابد أن يكو لكى قرار فى هذا، وشيفه أنك لو عاوزة تاخدى فرصة تانى اطلقى.. وشوفى زوج صالح وكويس وخلفى.. والقرار يرجع ليكى فى النهاية".
هذا الخبر منقول من اليوم السابع