تعالوا نتكلم ونفكر مع بعض بالعقل وليس بالعاطفه اللى تؤدى فى داهيه ونعمل مع بعض سيناريو عاطفى وكاننا بندردش على قهوه بلدى وبالمناسبه انا مكلف بدفع فاتوره الشاى والشيشه من جيبى تعالوا نبدا الحوار الجميل وطبعا الحديث حيدور حول فلسطين وحماس والشعب الغلبان والمصائب اللى حلت على دماغه بلا ذنب او قرار والنبى كمان بلاش انفعال او اتهام لاى حد من الجالسين واتهامه زى ماباسمع كل يوم بالعماله او يهودى وامه يهوديه او ده شخص متجنس بالامريكيه وكلام هبل لا يحل ولا يربط طبعا كلنا عارفين مصر وجيش مصر العظيم وقوته وتصنيفه كاقوى جيوش العالم صرفنا خلال العشر سنوات الاخيره اكثر من 40 مليار دولار بالحصول على سلاح متنوع اش من فرنسا وروسيا والصين والمانيا وامريكا ومع احداث وقوه الجيش الصهيونى فى تدمير البنيه التحتيه لغزه من مدارس ومستشفيلت وملاجىء وقتل واصابه اكثر من 25 الف فلسطينى غلبان اكثرهم من الاطفال والنساء وعلشان ينجح الحصار والتضيق على حماس تم منع المساعدات الانسانيه وقطع الكهرباء والماء واخيرا الانترنت ووسائل الاتصال لتعيش غزه فى انفصال تام عن العالم ولا احد يعلم ما قد يناله من قتل وتدمير خاصه وجيش الاحتلال بدا معركته التدميريه بالغزو البرى ....قام جيش مصر القوى واطلق صواريخه واطلق طائراته وجهز مدرعاته ودباباته لسحق اعداء العروبه والاسلام ونصره القضيه الفلسطينيه وعوده الاراضى المحتله منذ عام 1967 وعوده القدس وفك الحصار وقبل ما خلص كلامى الكل وقف بصفق وتكبير واهات وزغاريط من شويه حريم جالسين معنا طيب نستنى ونكمل الحدوته انتم عارفين قوه اسرائيل مش فى شويه العيال اللى حكمينها ابدا والله على راى محمود السعدنى ده امريكا اللى نشره اسطولها التدميرى والمرعب على حدودنا ومش بس اسطولها دى كما قواعدها اللى منتشره فى كل الدول العربيه فى قطر وعندها اكبر قاعده امريكيه والسعوديه والامارات والكويت والاردن والبحرين وليبيا وبها اكبر قاعده عسكريه لحلف الناتو وما تملكه تلك القواعد من قوه عسكريه تدميريه وجيوش متكامله رهيبه ومعدات احدث ما انتجته المصانع الحربيه الامريكيه والاوربيه والقواعد العسكريه ده مصدر قلق فى حال حدوث حرب فالناس اللى عاوزه تسوح مصر وتقضى على كل انجازاتها فى العشر سنين الاخيره واللى عددت 200 مليار دولار يعنى باختصار سنجد انفسنا فى مواجهه شرسه من تلك القواعد التى توجد على ارض عربيه ولا يقدر اجدع شنب من تلك الملوك او الشيوخ ان يعترض او يمنع اطلاق تلك القواعد ومهاجمه الاراضى المصريه فى اتمام مهمتها بجانب الاسطول الامريكى المتواجد حاليا فى المياه القريبه على حدونا باختصار ياعم انت وهو يعنى ساعات وقد لا تمدت ايام وبقينا فى خبر كان خلص الكلام ياعم انت وهو وكل واحد فيكم يبوس ايده وش وطهر علشان عندنا قياده حكيمه متمسكه بقرارها متيقظه بادارتها وعايه بسلوكها تمتاز بالحكمه وليس بالتهور او الاندفاع لا تشارك فى حرب الا للدفاع عن ارضها وعرضها وشرفها بغض النظر عما يدور فى المنطقه من اخطاء جسيمه وقرارات متهوره بلا حساب كما حدث من قبل من شيخ ايران نصر الله بعد تدمير لبنان واحتلال اراضيها خرج واعتذر ولا ننسى كلماته الحزينه واسفه واعتذاره للشعب اللبنانى وقال " لو كنت اعلم بما حدث ما اقدمت على الحرب " كفايه كده حد منكم عايز مشروب او شيشه اتمنى من كل واحدفيكم يكون فاق من غيبوبه اللطم على الخدود والتشنجات والعصبيه ونفكر بعقل فى مستقبل بلدكم واولادكم وحريمكم .
أخبار متعلقة :