أخبار عاجلة

محب غبور يكتب: المرشحين عن المصريين بالخارج ..صفات ومواصفات !

محب غبور يكتب: المرشحين عن المصريين بالخارج ..صفات ومواصفات !
محب غبور يكتب: المرشحين عن المصريين بالخارج ..صفات ومواصفات !

 

مع قرب الترشح لخوض انتخابات مجلس النواب والتى اعلن عنها فى الاسبوع الاخير من شهر اكتوبر القادم برز العديد من الشخصيات ببرومو يعلن فيه عن ترشحه وخوضه  لانتخابات مجلس النواب القادم عن المصريين بالخارج رغم انه يفتقد الى كاريزما الاداء والابداع عن المصريين بالخارج.
 تعبير واسع قوى ربما عن جهل او تسلق او سعيا وراء المال والمكانه والحصانه منهم من هو مريض نفسيا مخبول عقليا ضائع يبحث عن بؤره  يلملم فيها مخلفاته وقذوراته  والغريب ان بعضا من نفايات الجاليه بدا يطلق سمومه لمجرد كتبت مقال حوش حوش ياكندوش بدون ذكر اسماء اعتقد  وجدها لازقه على قفاه  عمل عليها  حفله زار حضر عفاريت الشرشحه وهات يا اهات وندبات ولطم على الارداف زى النسوان  لعل سيد الاسياد يسمع كلامه ويرحم عذابه ويضمم جراحه  ، يا خساره لافهم الكلام ولا عرف يكتب بيان لانه جاهل واللى بيكتبله البوستات على الفيسبوك  معروفين بالاسم تخلوا عنه لانه غدار وسليط اللسان  فكتب بوسترات اخطاءها الاملائيه لا تعد ولا تحصى لانه جاهل لا ثقافه ولا شهاده  ، كان لازم يحضر روح  الجبرتى او ابو نواس  لم اتعرض لاى جانب شخصى واحد له  رغم صندوقه الاسود المملؤ بالمطبات القذره والمشاجرات والضرب والاقسام وقصص كثيره وعديده ولا روايات الف ليله وليله.
ياعزيزى ياكندوش انا مستعد انتخبك بالعشره لكن لازم تعلن ال C V لجنابك ولو رشحت نفسك دون اللجوء الى عباره المصريين بالخارج كان الوضع اختلف لانك ستمثل نفسك وهذ رائع ولا احد يعيب عليك  بس تمثيل المصريين بالخارج اونطه شويه   وجلابيه فخامتكم المليانه ببدره العفاريت واسعه شويه ولن يقبل احد هنا ياشجيع السيما يابو شعبيه جارفه لن يسمح دكتور او محامى او صيدلى او استاذ جامعه او باحث او مهندس  ان يمثله ابو جهل لا فاهم  عربى ولا انجليزى حاتعمل ايه فى المجلس حاترفع علم الشعبيه الكنسيه ولا السياسيه حسب تعبيرك  ولا حد يكتب لك بوست  على ظهرك انك امريكانى وكاوبوى الجاليه المصريه اه انا عارف ان  نهيق صوتك لا محتاج ميكروفون ولا ميكرويف بس نصيحى منى بلبع شويه اقراص ترمادول  او شويه بانجو اللى تعرفه كويس ....خلينا فى الكلام المهم 


صفات ومواصفات المرشح عن المصريين بالخارج 
رغم اعتراضى على خوض اى مهاجر " يختلف عن مغترب " لمنصب نائب بمجلس النواب يرجع اولا الى اننا فى دوله هجره واستقرار وليست دوله يحكمها كفيل فلا حاجه الى نائب للجاليه المصريه بامريكا يمثلها ويراعى شئونها او عرض مشاكلها فى البرلمان لان المهاجر يحكمه قانون الدوله المقيم على ارضها اقامه شرعيه ومجنس بالجنسيه الامريكيه.
لكن افتراضا ان الدوله تسعى بوجود ما يسمى بالنائب الذى يمثل المصريين بامريكا لابد ان يجمع مابين العلم والخبره واللغه اولا لابد ان يكون حاصل على درجه  علميه  تصل الى درجه الدكتوراه وطليع فى اللغه الانجليزيه  واللهجه الامريكيه طبعا بجانب اتقانه اللغه العربيه وعلى درايه بالعمل السياسى والاقتصادى ليكون احسن تمثيلا لمصر على ارض الولايات المتحده وليس بالضروره حضور جلسات المجلس الاسبوعيه ويكفى الذهاب وحضور المجلس مره شهريا  مع تقديم تقارير بما تابعه ورصده ... لماذا ؟
فى كثير من الاوقات تتعرض مصر شعبا وقياده الى هجوم غير مبرر فيكون دور هذا النائب الرد على هذه البذاءات والوقاحات الاعلاميه بما يملكه من لغه وعلم وخبره  وحصانه برلمانيه  وجنسيه امريكيه هذا بخلاف متابعه حاله الجاليه ودورها فى المجتمع الامريكى لما فيه لصالح مصر اما ان يمثلنا شخص ضحل الثقافه لا يحمل من المؤهلات ان يمثلنا او يشرفنا فهذا عار ...
للحديث بقيه عن اهميه الجاليه فى المشاركه الفعاله فى الانتخابات الامريكيه القادمه سواء على كرسى الرئاسه او اعضاء الكونجرس من نواب وشيوخ كذلك لاابد من ان نسعى الى شخصيات لها وزنها لخوض الانتخابات الامريكيه لصالح مصر كما تفعل الجاليات الاخرى