أخبار عاجلة

محمد صبحي لـ"الراديو بيضحك": الهزار فى كواليس مسلسل "ونيس" لم يمنع الالتزام

محمد صبحي لـ"الراديو بيضحك": الهزار فى كواليس مسلسل "ونيس" لم يمنع الالتزام
محمد صبحي لـ"الراديو بيضحك": الهزار فى كواليس مسلسل "ونيس" لم يمنع الالتزام

قال الفنان محمد صبحي خلال لقائه في برنامج "الراديو بيضحك" مع الإعلامية فاطمة مصطفى المذاع عبر راديو "90 90": "أنا كنت من الفنانين القلائل جدًا اللي عملوا حكاية ما وراء الكاميرا، لأنه مش سر وعندي لسه فيديوهات من الكواليس لسه منزلتهاش، بنبقى بنرقص فيها وكان فيه أجواء كتيرة حلوة، وكان فيه حالة جميلة".

وتابع: "كل الكواليس فعلا كانت بتضحك، ودا كان المناخ الحقيقي، وكان فيه كاميرا خفية بترصد كل الكواليس، وكانت بتسجل كل حاجة، بس كل دا ميمنعش أبدا الالتزام وإنك تيجي في ميعادك وتكون مزاكر كويس".

كما أشار أنه سعد بشدة من التفاعل الكبير الذي وجده من قبل الجمهور في كل الدول العربية والأجنبية على حكايات يوميات ونيس، موضحًا: "أنا لما بسافر أي دولة بقابل اللي عنده 40 أو 45 سنة يقولي انا اتربيت على ايديك والجملة كانت بتدهشني، وبعدين يقولي أنا اتربيت على ونيس، والاقي بعدها معاه طفل صغير يجري عليا ويحضني وألاقيه برضو عارف ونيس، مافيش تمن أكتر من دا ممكن الفنان يحصل عليه".


 

 

هذا الخبر منقول من اليوم السابع