أخبار عاجلة

عمرو أديب يذيع فيديو يكشف استمرار أحمد أبو هشيمة فى أعمال تطوير القرى رغم محاولات كسره.. رجل الأعمال: "بشتغل وما ببصش على التفاهات.. واللى بيحصل على السوشيال من وحى الخيال".. ويؤكد: وقفت قدام دولة لنصرة مظلوم

عمرو أديب يذيع فيديو يكشف استمرار أحمد أبو هشيمة فى أعمال تطوير القرى رغم محاولات كسره.. رجل الأعمال: "بشتغل وما ببصش على التفاهات.. واللى بيحصل على السوشيال من وحى الخيال".. ويؤكد: وقفت قدام دولة لنصرة مظلوم
عمرو أديب يذيع فيديو يكشف استمرار أحمد أبو هشيمة فى أعمال تطوير القرى رغم محاولات كسره.. رجل الأعمال: "بشتغل وما ببصش على التفاهات.. واللى بيحصل على السوشيال من وحى الخيال".. ويؤكد: وقفت قدام دولة لنصرة مظلوم

عرض الإعلامى عمرو أديب، مقطع فيديو لرجل الأعمال أحمد أبو هشيمة، أثناء تواجده فى إحدى قرى محافظة الفيوم لافتتاح أعمال التطوير فى تلك القرية، وذلك خلال تقديمه برنامج الحكاية، والمذاع عبر فضائية MBC مصر.

 

وقال أحمد أبو هشيمة: "أسهل حاجة أن الواحد يرد بالكلام، ولكن أنا بختار العمل.. ودايما بروح اجتماعات كبيرة وندوات وفعاليات كتير أوى، وبلاقى الشباب بيقولوا ليا تنصحنا بإيه، وبقول كلام مبقولش فيه تفاصيل".

 

 

وأضاف أحمد أبو هشيمة: "بقولهم أهو موقف أنا فيه وتريند ما شاء الله، وبقولهم شوفوا أنا هتصرف إزاى، شوفوا أنا جيت لناس أحسن منى ميت مرة فى القرية دى، وبدأت اشتغل ومكمل فى كل حاجة، ومافيش حاجة هتأثر فيا".

 

وتابع أحمد أبو هشيمة: "كل اللى بيحصل على السوشيال ميديا من وحى الخيال.. اقعدوا بقى ضيعوا وقتكوا اللى عايز يضيع وقته، وأنا قفلت الموضوع ده دلوقتى تمامًا ومش هفتحه تانى، واللى عايز يفتحه مع نفسه، وإن شاء الله يقعد عشر سنين فيه، بس أنا بقولكم أنا مش هتأثر وأنا مؤمن ببلدى وبشتغل وبس وماببصش على التفاهات".

 

وواصل حديثه قائلاً: "أنا راجل وقفت قدام دولة كاملة، وبدراعى عشان «على سالم» الراجل اللى مسجون فى قطر ظلما وعدوانا، وأنا قعدت معاه 5 مرات واتعلمت أن دى الرجولة، وهقعد أدافع عنه لحد ما يطلع براءة، وناس كتير جدًا نصحتنى وقالت بلاش تفتح الموضوع ده".

 

واستطرد: "أنا بعمل الفيديو ده للشباب اللى بحبهم واللى بيدعمونى وعمرى ما هخيب ظنهم ودى الحياة، دايما هتلاقى ناس تكسرك وتقف ضدك، وطلما عندك إيمان بالله وإيمان بنفسك هتنتصر، وده يقين إنك هتنتصر، وشكراً ليكم وبشكر أهل القرية كلهم دى.. ناس بشوفهم أحسن منى ألف مرة ومعظم الناس أهلاوية والزملكاوية ميزعلوش".

 

وعلق الإعلامى عمرو أديب على الفيديو، قائلا: "أحمد أبو هشيمة بيتفقد هذه القرية، وأن شاء الله تفتح قريباً بعد كام يوم، وعمل اجتماعى جميل وأبو هشيمة واقف على رجليه".

 

وتفقد رجل الأعمال أحمد أبو هشيمة، قرية خليفة يونس بمركز طامية محافظة الفيوم، والتى تم إعادة إعمارها ضمن مبادرة إعادة إعمار القرى الأكثر احتياجا فى مصر. 

 

 

ومبادرة إعادة إعمار القرى الأكثر احتياجا فى مصر، أطلقها أبو هشيمة منتصف عام 2014 وانتهت حتى الآن من إعمار 15 قرية وتأثيثهم بالكامل، وتعد قرية خليفة يونس القرية السادسة عشر فى المبادرة.

 

وتأتى تلك الزيارة التى استمع فيها أبو هشيمة لكافة تفاصيل عملية إعادة الإعمار وفرش المنازل، قبل أيام من افتتاح القرية بحضور الدكتور أحمد الأنصارى محافظ الفيوم ولفيف من المسئولين.

 


 

 

هذا الخبر منقول من اليوم السابع