كل المشاعر للأسف
صابها العطب
حتى الغرام دلوقتي
قرر ينشطب
نار الفرق حرقت
الحلم الجميل
والغدر كان هو الحطب
***
كنت الأماني كلها
كنت البداية
وكنت برضة المنتهى
كنت البريئة الطيبة
اللي قلبي حبها
***
وأنا كنت ليك
أوفى حبيب
وفي ساعة الطيش الغريب
فجأة قررتي الرحيل
موتي بايدك الهوا
وقضيتي ع الحلم الجميل
ورجوعنا أصبح مستحيل
***
لمعة عنيا لما
باشوفك انطفت
وانطفى وهج الغرام
فباية يفيد العتاب
وبايه يفيد الكلام
انهي فصول الحكاية
من غير وداع
من غير سلام
أخبار متعلقة :